Яңы инвесторҙар республиканың мөмкинлктәренә ышана ала. Радий Хәбиров “Интерфакс” агентлығына биргән интервьюһында ошо турала белдерҙе. Көнбайыш компаниялары киткәндән һуң барлыҡҡа килгән бушлыҡты тултырыу өсөн әле бик уңайлы ваҡыт, тине ул. Башҡортостан етәксеһе шулай уҡ инвестиция өлкәһендәге юғары күрһәткестәрҙе атаны. Былтыр ғинуар-сентябрь айҙарында төп капиталға 462 миллиард һум аҡса һалынған.
