“Ғәҙел Рәсәй – Патриоттар дөрөҫлөк өсөн” партияһы ағзаһы Александр Иванов алғы һыҙыҡҡа 30 мейес ебәргән. Был эштә Шишмә ирекмәндәре лә ярҙам иткән. ”Буржуйкалар” ялан шарттарында бик уңайлы. Хәрбиҙәр блиндаждарҙы йылыта, ашарға ҡыҙҙыра ала. Александр Иванов үҙенең металл конструкциялары цехында бындай мейестәр өсөн торбалар етештерә. Яугирҙарҙы артабан да хәстәрләйәсәкбеҙ, тип белдерҙе ул.
