Рәссамдар оҫтараҡмы, әллә нейроселтәрме? Был һорауға яуапты Өфөлә үткән «Киләсәк фабрикаһы» майҙанында эҙләнеләр. Ижади бәйгелә рәссамдар IT белгестәренә ҡаршы ярышты. Ҡатнашыусылар алдында һүрәт төшөрөү, билдәле картинаны ҡабатлау кеүек бурыс ҡуйылды. Берәүҙәр һынлы сәнғәттең классик ысулдарын файҙаланһа, икенселәр компьютерҙа махсус программа яҙҙы. Еңеүсе тауыш биреү һөҙөмтәһендә һайланды. Сара республикала креатив индустрияларҙы үҫтереү маҡсатында ойошторолдо.
