Республикала һәр унынсы кеше хроник бөйөр ауырыуынан яфалана. Был турала Башҡорт дәүләт медицина университетында үткән Бөтә донъя бөйөр көнө форумында әйтелде. Юғары уҡыу йорто базаһында ойошторолған сара илдең төрлө төбәктәренән килгән нефрологтар ҡатнашлығында үтте. Федераль экесперттар Башҡортостан белгестәренең был өлкәләге ауырыуҙарҙы дауалауға индергән өлөшөн юғары баһаланы. Өфөлә клиник нефрология, гемодиализ, шулай уҡ әлегә Рәсәйҙә киң таралмаған бөйөрҙө күсереп тәжрибәһе уңышлы алып барыла. Бөтә донъя бөйөр көнө йыл һайын билдәләнә. Ауырыуҙарҙы күпләп тикшереүҙән алып марафондарға тиклем төрлө саралар ойошторола.
