Юғары уҡыу йортоноң Танк һәм техника факультеты деканы Александр Исак менән осрашыу баш ҡаланың 37-се мәктәбендә уҙҙы. Полковник кадеттарға юғары уҡыу йортонда белем алыу йүнәлештәре, хәрби хеҙмәт үҙенсәлектәре тураһында һөйләне. Омск автобронетанк инженер институтында инженер-танкист, бронетанкты хеҙмәтләндереүсе, автомобилист кеүек хәрби һөнәрҙәргә уҡырға мөмкин. Илдә ул ошо йүнәлештә юғары белемле белгестәр әҙерләгән берҙән-бер уҡыу йорто. Өфөнән тыш, хәрбиҙәр Мәскәү һәм Уссурийск ҡалаларында сығыш яһаясаҡ.
