Рима Баталова исемендәге республика спорт әҙерлеге үҙәгендә йөҙөү буйынса Волга буйы федераль округы чемпионаты һәм беренселеге уҙҙы. 14 төбәк ағзалары көс һынашҡан турнирҙың төп маҡсаты - ҡатнашыусылар араһында сәләмәт тормошто пропагандалау, спортҡа ылыҡтырыу.
Ярыш 3 көн дауам итте. Еңеүселәр 13-18 апрелдә Ҡазанда Рәсәй чемпионатында көс һынашасаҡ. Шулай уҡ иң көслө спортсылар Саранскиҙа Рәсәй беренселегендә ҡатнаша. Башҡортостан данын ике команда яҡланы. Уларҙың иҫәбендә көмөш һәм бронза миҙалдар, беренселектә өс дүртенсе һәм беренсе урын.
