Унда сәнәғәт һәм хеҙмәттәр өлкәһендә яңы башланғыстар ҡаралды. Кәңәшмәлә ҡатнашыусылар иғтибарына республикала Төркиә менән Ҡытай партнёрҙары ҡатнашлығында май экстракциялау заводы булдырыу проекты тәҡдим ителде.
«Хәүефһеҙлек гаранты» компанияһы учредителе Октябрьский ҡалаһында автозаправка станцияһы менән сервис комплекс төҙөү пландары менән уртаҡлашты. Фекер алышыу һөҙөмтәләре буйынса проектҡа өҫтөнлөклө статусы бирелде. Ултырышта шулай уҡ Дыуан районы Мәсәғүт ауылында автомобиль газ тултырыу компрессор станцияһы төҙөлөшө проекты ла хупланды.
