Яңы көс туплап, йәнә хәрби позицияға. Өфөлә «Башҡортостан» мотоуҡсылар полкы яугирҙары махсус хәрби операция биләмәһенә оҙатылды. Тантаналы сара ғәҙәттәгесә, «Өфө Арена» алдындағы майҙанда үтте. Ике аҙналыҡ отпусктан һуң ир-егеттәрҙе оҙатырға ғаиләләре, дуҫтары, коллегалары ла килгәйне. Яҡташтарыбыҙҙың күбеһе хәрби хеҙмәттә ике йыл ярымдан ашыу. Араларында дәүләт наградаларына лайыҡ булыусылар ҙа байтаҡ , ике яугир «Рәсәй Геройы» исемен йөрөтә. Хәрби хеҙмәткәрҙәргә өгөт-нәсихәт һүҙҙәре менән Башҡортостан Хөкүмәте премьер-министры урынбаҫары Ирек Сәғитов сығыш яһаны.
Башҡортостандан махсус хәрби операцияға оҙатыу 387-се тапҡыр үтте. Күпселек яугирҙар өсөн әлеге отпуск беренсе түгел. Улар яҡындары менән күрешеп, яҡшы кәйефтә юлға сыға. Хеҙмәт итеү урынына хәрбиҙәр уңайлы автобустарҙа барып етәсәк.
