Төп мәсьәлә күп фатирлы йорттарҙы капиталь ремонт өсөн түләү хаҡының артыуына бәйле. Йыйылышта торлаҡ-коммуналь хужалыҡ өлкәһендәге проблемалар һәм тәҡдимдәр ҡаралды. Осрашыу район хакимиәте, коммуналь ойошма вәкилдәре, шулай уҡ күп фатирлы йорттарҙа йәшәүселәр ҡатнашлығында үтте. Фекер алышыу диалог форматында ҡоролдо.
Чиновниктар билдәләүенсә, республика ил буйынса түбән түләүҙәр индерелгән төбәктәрҙең береһе. Тарифтарҙан айырмалы, төҙөлөш материалдарына хаҡтар бер нисә тапҡырға күтәрелгән.
