Махсус хәрби операцияла ҡатнашыусыларҙың ғаилә ағзаларына айырыуса иғтибар. Көйөргәҙе районының халыҡ мәшғүллеге үҙәге хәрбиҙәрҙең туғандарын эш урындары менән тәьмин итеүҙә ҙур ярҙам күрһәтә. Хәҙер ул «Рәсәйҙә эш» кадрҙар үҙәге тип аталған яңыртылған, төҙөкләндерелгән форматта эшләй. Йыл башында ғына асылыуына ҡарамаҫтан, халыҡ мәшғүллеген тәьмин итеү буйынса ҙур эштәр башҡарылған. Ентекләберәк сираттағы яҙмала.
Һөнәре буйынса яратҡан эшен табыр өсөн Елена Никитинаға оҙаҡ эҙләнергә тура килә. Ун йылдан ашыу төрлө төҙөлөштәрҙә эшләй. Хеҙмәт урынымдың йәшәгән ерҙән алыҫ булыуы ғына үҙәккә үтте, ти ханым. Өҫтәүенә, ике улы ла махсус хәрби операцияла. Еленаға эш табырға Ермолаев ауылының кадрҙар үҙәге ярҙам итә. Хәҙер ул урындағы эшҡыуарҙың сауҙа комплексында ремонт эштәре башҡара.
Ҡәнәғәтләндерерлек эш урыны табылмағанда башҡа һөнәр ҙә үҙләштерергә мөмкин. Кадрҙар үҙәге 50 мең һумға тиклем дәүләт иҫәбенә уҡыуҙар ойоштора. Эльвира ла ,ире махсус хәрби операцияла саҡта, ашнаҡсы һөнәрен өйрәнергә ҡарар иткән. Мәшғүллек үҙәге хеҙмәткәрҙәре уға 15 мең һумға сертификат тапшырҙы.
Кадрҙар үҙәгендә граждандарҙы биш хеҙмәткәр ҡабул итә. Мәшғүллек буйынса барлыҡ мәсьәләләр ҙә урында хәл ителә. Төп маҡсат эш эҙләүселәр һәм биреүселәр араһында бәйләнеш булдырыу һәм хеҙмәт урындары табыу.
«Рәсәйҙә эш» кадрҙар үҙәгендә элекке кеүек вакансиялар тәҡдим итеп кенә ҡалмайҙар. Шнда уҡ ойошма һәм предприятие вәкилдәре менән дә осрашыуҙар ойошторола. Һөҙөмтәлә граждандар урында уҡ буласаҡ эш биреүселәре менән осрашып тәҡдим ителгән вакансиялар тураһында ентекләберәк таныша ала.
Айнур Кәбиров
