Нефтекамала полицияға 16 йәшлек ҡыҙ мөрәжәғәт иткән. Уға WhatsAppтан шылтыратҡандар, үҙен завуч итеп танытҡан кеше электрон журналға инеү кәрәклеге тураһында белдергән, телефонға килгән код һандарын әйтергә күндергән. Бала һуңынан ғына мутлашыусыларҙың дәүләт хеҙмәттәре порталындағы шәхси кабинетты асыуын аңлап ҡалған. Полиция смс менән килгән код һандарын бер кемгә лә әйтергә ярамауы тураһында иҫкәртә.
