Тәфтиш комитеты «Ике һәм күберәк кешенең һаҡһыҙлыҡ буйынса ғүмерен өҙөү» статьяһы буйынса тикшереү алып бара. Октябрҙең 50 йыллығы урамы буйынса йортта бәхетһеҙ осраҡ кисә кис теркәлгән. Торлаҡтан 77 йәшлек ҡатын, 8 һәм 4 йәшлек ике бала эвакуацияланған. Реаниматологтар уларға тәүге ярҙам күрһәтә, тик өсәүһен дә ҡотҡарып булмай. Янғын сәбәптәре асыҡлана. Өфө хакимиәте башлығы Ратмир Мәүлиев һәләк булыусыларҙың туғандарының һәм яҡындарының ҡайғыһын уртаҡлашҡан.
