“Өфө- Арена” боҙ һарайы алдындағы майҙанда хәрбиҙәрҙе оҙатырға ғаиләләре, яҡындары һәм дуҫтары килде. Тантанала Башҡортостан Хөкүмәте премьер-министры урынбаҫары Ирек Сәғитов ҡатнашты.
“Һәр ир-егет тыуған илен, ерен һаҡларға бурыслы”, - ти “Тренер” һәм “Чипатый” ҡушаматлы яугирҙар.
Республикала махсус хәрби операцияла ҡатнашыусылар һәм уларҙың ғаиләләре тураһында даими хәстәрлек күрелә. Башҡортостан Башлығы Радий Хәбиров ҡушыуы буйынса төбәктә 40-тан ашыу социаль ярҙам сараһы ҡаралған.
