«Берҙәм Рәсәй»ҙең йәмәғәт штабында Башҡортостан һәм Херсон өлкәһенең йәш спортсылары өсөн оҫталыҡ дәресе үтте. Уны Дәүләт Йыйылышы-Ҡоролтай депутаты, ҡатнаш бералыш легендаһы Джефф Монсон үткәрҙе. Ул джиу-джитсу буйынса күнекмәләр күрһәтте. Херсон өлкәһе сарала телекүпер аша ҡатнашты. Бәйләнештең теге яғында бокс менән шөғөлләнеүсе йәш спортсылар үҙҙәрен ҡыҙыҡһындырған һорауҙарҙы бирҙе.
