Рәсәй Дәүләт Думаһы депутаты Эльвира Айытҡолова һәм Башҡортостан махсус хәрби операция ветерандары ассоциацияһы рәйесе Оскар Ситдиҡов ғаилә ағзаларының һорауҙарына яуап бирҙе. Эльвира Айытҡолова әйтеүенсә, күҙгә-күҙ ҡарашып аралашыу үтә лә мөһим.
Бөгөн республиканың һәр хакимиәтендә “Ғаилә” ресурс үҙәктәре эшләй. “Яугирҙар һәм уларҙың ғаилә ағзаларына бушлай психологик һәм юридик ярҙам күрһәтәбеҙ. Төрлө саралар ойошторабыҙ”, - ти үҙәк белгесе Венера Ғафарова.
16 апрелдә Башҡортостан Дәүләт Йыйылышы-Ҡоролтай депутаты Эльвира Мацкевич халыҡты ҡабул итә. Сара Өфөнөң Достоевский урамындағы 73-сө йортта Йәмәғәт ҡабул итеү бүлмәһендә ойошторола. Унда хәбәрһеҙ юғалған яугирҙарҙы эҙләү буйынса мөрәжәғәттәр ҡабул ителә. Осрашыуҙа яҙылырға кәрәк. Бәйләнеш телефоны: 8(347) 226-78-28.
