Луганск халыҡ республикаһының шефлыҡҡа алынған Красный Луч ҡалаһында төҙөкләндереү эштәре дауам итә. Ошо арала Башҡортостан төҙөүселәре ҡала уртаһындағы фонтанды сафҡа индерәсәк.
Сквер «Торлаҡ һәм ҡала мөхите» милли проекты сиктәрендә былтыр төҙөкләндерелә башлағайны. Бында парк аҫтынан үтеүсе канализация, һыуүткәргестәр һәм башҡа коммуникациялар тулыһынса яңыртылды. Шулай уҡ ҡартайған ағастар йәшенә алмаштырылды. Эскәмйәләр, бәүелсәктәр ҙә төҙөкдәндерелгән. Тиҙҙән ҡаланың төп биҙәге булған фонтандан һыу урғыласаҡ.
