Йәнә тыуған яҡҡа. «Башҡортостан» мотоуҡсылар полкынан бер төркөм хәрбиҙәр республикаға ҡыҫҡа ваҡытлы ялға ҡайтырға сыҡты. Яугирҙар араһында 9 майҙа Еңеү парадында ҡатнашыусылар ҙа бар. Яуаплы сараға иң лайыҡлылар, дәүләт, ведомство наградалары менән бүләкләнеүселәр генә һайлап алынған. Һәр кемгә яңы хәрби форма бүленгән. Башҡортостанға тиклем яугирҙар автобуста ҡайта, артабан парад репетицияһына саҡырылып, күнекмәләр үтә.
