“Бөтә республика, баш ҡала халҡы оло юғалтыу кисерә. Беҙ уның тормош һәм хеҙмәт юлын яҡшы беләбеҙ. Уны кешеләр, айырыуса Өфөлә йәшәүселәр яратты. Был иң мөһиме”, - тине матәм митингында Башҡортостан Башлығы Радий Хәбиров.
“Павел Качкаев ысын патриот булды. Башҡортостанды яратты, уның халҡы өсөн күп эш башҡарҙы”, - ти Дәүләт Думаһы депутаты Зариф Байғусҡаров.
“Павел Качкаев бөйөк кеше. Өфөнө яратҡан һәр граждан уның вафатын шәхси ҡайғыһы итеп ҡабул итә”, - тигән фекерҙә Дәүләт Йыйылышы-Ҡоролтай депутаты Шамил Вәлиев.
Павел Качкаев баш ҡаланың Көньяҡ зыяратында ерләнә.
