Өфөлә йәмәғәт ярҙамы штабында «Рәсәй эше» кадрҙар үҙәге ҡарамағындағы ҡатын-ҡыҙҙар клубының осрашыуы үтте. Йыйылышҡа махсус хәрби операцияла ҡатнашыусыларҙың ҡатындары саҡырылған. Башҡортостан эшҡыуар ҡатын-ҡыҙҙар ассоциацияһында ярҙам алыу, мәшғүллек хеҙмәте аша үҙ эшеңде асыу мөмкинлеге тураһында һөйләнелде. Тәжрибәле эшҡыуарҙар бизнесты тормошҡа ашырыу юлдары менән таныштырҙы.
