Ленин районында махсус хәрби операцияла батырҙарса һәләк булған подполковник Евгений Рытченкоға таҡтаташ асылды. Таш һын һалдат уҡыған 128-се мәктәп диуарына беркетелде, шулай уҡ белем усағында Герой партаһы булдырылды. Хәтер сараһында үҫмерҙәргә һалдат хаҡында төшөрөлгән фильмдың премьераһы тәҡдим ителде. Башҡорт теле һәм әҙәбиәте уҡытыусыһы Юлиә Әхмәтшина һөйләй.
Евгений Рытченко 2022 йылдың майынан махсус хәрби операцияла ҡатнаша. 2024 йылдың апрелендә хәрби бурысын үтәгәндә һәләк була. Яугирҙың батырлығы Суворов һәм Жуков миҙалдары менән билдәләнә. Үлгәндән һуң Батырлыҡ орденына күрһәтелә.
