Быйыл көҙ Мәскәүҙә Бөйөк Еңеүҙең 80 йыллығына бағышлап «Рәхмәтле быуындың тере хәтере» һәйкәле асыласаҡ. Өс мөйөшлө һалдат хаты һәм ағас формаһындағы мемориал тотош илдән йыйылған тимер аҡсаларҙы иретеп ҡойоласаҡ. Башҡорт иҡтисад-юридик колледжы студенты Даниэль Мансуров акцияға ҡушылып, 200-гә яҡын совет аҡсаһын тапшырған.Даниэль Мансуров, «Халыҡ фронты» активисы, Башҡорт иҡтисад-юридик колледжы студенты.
Тәңкәләрҙән һәйкәл ҡойоуҙың идея авторы Белоруссияла йәшәгән билдәле йәмәғәт эшмәкәре һәм паралимпия уйындары ҡатнашыусыһы Алексей Талай. Быға тиклем скульптура Минск һәм Брест ҡалаларында асылған. Мәскәүҙә ул Еңеү паркына ҡуйыласаҡ. Әле ойоштороусылар тотош илдән биш миллионға яҡын тәңкә йыйған.
