Ҙур сара Ҡазанда үтә. Беҙҙең театр “Дядя Ваня” спектаклен тәҡдим итә. Ул төп программаға индерелгән. Тамаша 14 июндә күрһәтелә. Башҡортостан артистары спектаклдә Мари милли театры артистары менән бергә уйнай. Халыҡ-ара театр олимпиадаһы 1990 йылдан башлап ойошторола. 2001 йылда ул Мәскәүҙә, 2019-ҙа Санкт-Петербургта үтте. Ике йыл элек Будапешта уҙғарылды. Мәжит Ғафури исемендәге Башҡорт драма театры унда “Ҡара йөҙҙәр” спектакле менән ҡатнашты. 9-22 июндә Татарстанда шулай уҡ “Науруз” халыҡ-ара төрки халыҡтар фестивале була. Унда Ҡазағстан, Үзбәкстан, Ҡырғыҙстан, Әзербайжан һәм башҡа төрки дәүләт театрҙары ҡатнаша.
