Радий Хәбиров «Рәсәй почтаһы» йәмғиәтенең республика идаралығы етәксеһе Ленард Шафиҡов менән осрашты. Унда почта инфраструктураһын үҫтереү мөмкинлектәре ҡаралды. Башҡортостан башлығы почта хеҙмәтенең ауылдар үҫешендә мөһим урын алыуын билдәләп, рәхмәтен белдерҙе. Ленард Шафиҡов әйтеүенсә, Рәсәй почтаһының республикалағы филиалы бүлексәләр күплеге буйынса иң ҙуры һәм социаль йүнәлешле структура.
