Документ республика һәм ил халҡының интеллектуаль, мәғариф һәм мәҙәни потенциалын күтәреү маҡсатында берҙәм эштең төп йүнәлештәрен билдәләй. Башҡортостан башлығының матбуғат хеҙмәте мәғлүмәттәре буйынса, килешеүҙе тормошҡа ашырыу лекторҙар берләшмәләрен үҫтереүгә, һәләтле йәш белгестәрҙе мәғрифәтселек эшенә йәлеп итеүгә булышлыҡ итәсәк.
«Белем» йәмғиәтенең генераль директоры Максим Древаль Радий Хәбировҡа төбәк бүлексәһен үҫтереүгә индергән өлөшө өсөн рәхмәт белдерҙе. Атап әйткәндә, ата-әсәләр башланғыстары конкурсында республиканан 74 проект килгән. Башҡортостан икенсе миҙгел еңеүселәре һаны буйынса лидер булды, тип билдәләне Максим Древаль. Уның һүҙҙәренсә, Башҡортостан - мәғрифәтселек миссияһын тормошҡа ашырыуҙа алдынғы төбәктәрҙең береһе.
