Күҙәтеүселәрҙе һайлауға әҙерләү. Был коммерция булмаған ойошмалар ассоциацияһының «Бойондороҡһоҙ йәмәғәт мониторингы» төбәк-ара семинарында төп мәсьәлә булып тора. Сара Өфөлә Башҡортостандың Йәмәғәт палатаһы ярҙамында үтә. Унда республиканан тыш, Пермь крайы, Силәбе, Свердловск, Тамбов өлкәләре һәм Ямал-Ненец автономиялы округы вәкилдәре ҡатнаша. Һайлау алдынан урындарҙа йәмәғәт күҙәтеүселәрен уҡытыу өсөн улар махсус саҡырылған. Өфөлә алған белемдәрен буласаҡ күҙәтеүселәр артабан үҙ төбәктәрендә уртаҡлашасаҡ.
