Сарала республиканың төрлө район-ҡалаларынан 51 команда ҡатнашты. Дүрт йөҙгә яҡын спортсы йөүгереү, шашка, өҫтәл теннисы кеүек уйындарҙа үҙ- ара көслөләрҙе асыҡланы. Иң күп ҡатнашыусы йүгереү майҙанында. Ирҙәр мең метрлыҡ дистанцияла көс һынашһа, ҡатын-ҡыҙҙар 500 метр арауыҡҡа йүгерҙе.
Рус шашкаһын һайлаусылар ҙа байтаҡ булды. Өҫтәл уйынында 27 команда ҡатнашты. Ә бына теннис өҫтәлендә медицина хеҙмәткәрҙәренә уларҙың буласаҡ коллегалары-студенттар ҡаршы торҙо. Һаулыҡ һаҡлау өлкәһе хеҙмәткәрҙәре үҙҙәренә алмашҡа килеүселәрҙе юғары уҡыу йортонда уҡ быуындар буйы һаҡланған яҡшы традицияларға өйрәтә.
