Туризм үҫешенә этәргес. Контрактҡа ярашлы, киләһе йыл октябрҙә Ишембай - Воскресенское - Мәләүез юлындағы участкала капиталь ремонт тамамланырға тейеш. Билдәле булыуынса, төҙөкләндереү эштәре йылдам бара, шуға күрә объект күпкә алдараҡ файҙаланыуға тапшырылыуы ихтимал. Автоһәүәҫкәрҙәр өсөн көтөп алынған асфальт юл тураһында киләһе материал.
Грейдер ярҙамында ҡырсынташ тигеҙләнә. «Ишембай - Воскресенское-Мәләүез» автомобиль юлы участкаһында асфальт һалыуға әҙерлек бара. Объектта төҙөкләндереү эштәре 2023 йылдың ноябрендә старт алғайны, әлегә 35-41-се cаҡрымда яҡынса дүрт саҡрым асфальт һалынһа, 41-45-cе саҡрымда ремонт 600 метр арауыҡта теүәлләнгән.
Асфальт һалыныу менән биләмәгә туризмды үҫтереүгә яңы мөмкинлектәр асылса. Тап Ишембай һәм Мәләүез райондарында республика өсөн мөһим тарихи объекттар - элекке баҡыр иретеү заводтары урынлашҡан. Архитектура һәйкәлдәре эргәһендәге биләмәлә уңайлы ял өсөн заманса шарттар булдырылған. Шулай уҡ яңыртылған юл участкаһы Нөгөш һыуһаҡлағысына ла тура юл иҫәпләнә. Автоһәүәҫкәрҙәр үҙгәрештәрҙе ҡыуанып ҡабул иткән.
Икенсе участкалағы капиталь ремонтҡа тиҫтәгә яҡын ҡеүәтле техника йәлеп ителгән. Юлсылар үҙ эшенә яуаплы ҡарай, быға тиклем асфальт күрмәгән биләмә ниһайәт заман талаптарына ярашлы төҙөкләндерелә. Автоһәүәҫкәрҙәр уңайлығы өсөн бында юл һыҙҙаттары, билдәләр ҙә барлыҡҡа киләсәк.
Гөлназ Хәйбуллина
