Башҡортостан Бөтә Рәсәй олимпиадаһы еңеүселәре һәм призерҙары буйынса алдынғы 5 төбәк исемлегенә ингән. Был турала Республиканың мәғариф министры Илдар Мәүлетбирҙин оператив кәңәшмәлә белдерҙе. Радий Хәбиров уҡыусыларҙы һәм уларҙың педагогтарын матди яҡтан дәртләндереү бурысын ҡуйҙы. Республиканан 11 уҡыусы еңеүсе, 46-һы призер исемен яулаған. Башҡортостандың мәғариф министры Илдар Мәүлетбирҙин билдәләүенсә, юғары күрһәткестәр төбәктә һәләтле балаларға ныҡлы иғтибар бирелеүе, шарттар тыуҙырылыуы менән бәйле.
