Был аҙнала «Сәләмәтлек поездары» Башҡортостандың ете муниципалитетында эшләй. Архангел районында йәшәүселәр ҙә «Сәләмәт республика - сәләмәт төбәк» акцияһында ҡатнашып, мобиль медицина комплексында табиптарға күренде. Ошонда уҡ ҡан баҫымын үлсәтергә, тейешле анализдар тапшырырға, рентген, флюорография, маммография тикшереүе үтеп була.
21 апрелдән алып ҡына республикала йәшәүселәрҙә мең ярымдан ашыу социаль әһәмиәтле ауырыу асыҡланған. Профилле белгестәр шулай уҡ бушлай консультациялар уҙғарып, дауалау курсы буйынса тәҡдимдәр, өҫтәмә тикшеренеү үтеүгә, госпитализацияға йүнәлтмә бирә.
