Төрлө ведомство етәкселәрен берләштергән сара Евразия фәнни-мәғариф үҙәге кампусында уҙҙы. Ултырышта колледждарҙа тәрбиә эшен көсәйтеү, эшсе һөнәрҙәрҙең абруйын үҫтереү мәсьәләләре иғтибар үҙәгендә булды.
Төбәк етәксеһе билдәләүенсә республикала урта һөнәри белем биреү системаһын камиллаштырыу йәһәтенән күп яҡлы етди эш алып барыла. Башҡортостандың бөтә колледждарында ла тәрбиә эше буйынса кәңәшсе вазифаһы индерелгән. Уҡыу йорттарында матди-техник базаны яҡшыртыу буйынса федераль программа ғәмәлгә ашырыла. Ултырышта Радий Хәбиров юғары күрһәткестәргә ирешкән колледж етәкселәрен дәүләт наградалары меннә бүләкләне.
