Баш ҡалала Бөтә Рәсәй йәш ғалимдар советтары һәм студенттарҙың ғилми берләшмәләре съезы уҙа. Сараның төп маҡсаты - тәжрибә уртаҡлашыу һәм илдең фәнни-техник үҫешен арттырыу. Ил төбәктәренән килгән йәш ғалимдар тәүге тәъҫораттары менән уртаҡлаша.
Өс көн дауам иткән сара барышында 50-нән ашыу майҙансыҡ эшләй. Сарала илебеҙҙең төрлө төбәктәренән ике меңгә яҡын фән өлкәһе вәкилдәре ҡатнаша.
