Өфөлә «Белемгә юл» проекты старт алды. Ул тротуарҙарҙы төҙөкләндереү программаһының дауамы булып тора. Уға ярашлы 81 объектты ремонтлау планлаштырыла, уларҙың 67-һе мәктәптәр һәм балалар баҡсалары. Бөгөн 23 участкала эш тамамланған, ә 17 урында дауам итә.
Белгестәр белем усаҡтарына илткән юлдарҙы тәртипкә килтерәсәк, 50-нән ашыу урынға юл билдәләре ҡуйыласаҡ һәм алмаштырыла. Балаларҙың хәүефһеҙлеген тәьмин итеү өсөн өс яңы светофор өҫтәләсәк, ә икәүһе яңыртыла. Проект шулай уҡ 247 метр арауыҡты ҡойма менән уратыуҙы, биләмәләрҙе яҡтыртыуҙы ла күҙ уңында тота.
