Инвестор уны төҙөүгә 58 миллион һум аҡса йүнәлткән. Был турала социаль селтәрҙә Радий Хәбиров хәбәр итте. Төбәк етәксеһе белдереүенсә, әле был өлкәлә дөйөм күләме 12 миллиард һумлыҡ 200-гә яҡын инвестиция проекты эшкә алынған. Уларҙың 59-ы өҫтөнлөклө статусына эйә булған. Радий Хәбиров шулай уҡ 2021 йылдан алып, республикала Юл буйы сервисын үҫтереү концепцияһы ғәмәлгә ингәне бирле, Башҡортостанда 2 меңдән ашыу объект асылыуы һәм яңыртылыуын иҫкә төшөрөп үткән. Властар планына ярашлы, 2030 йылға тиклем республика буйынса тағы ла 2000 юл буйы сервисы объектын төҙөү һәм төҙөкләндереү күҙаллана.
