Башҡортостанда армия генералы Мәхмүт Гәрәевтың 102 йыллығы билдәләнде. Тантана Шишмә районының Сәлих ауылында үтте. Сара ҡунаҡтары геройҙың тарихи юлын иҫкә төшөрҙө, музейға яңы экспонаттар бүләк итте.
Фотоһүрәттәр, шәхси әйберҙәр, фәнни хеҙмәттәр. Мәхмүт Гәрәевкә бағышланған музей яңы экспонаттар менән байытылды. Хәрби етәксе яҙған китаптар һәм генералдың ҡул сәғәтен уның улы Тимур тапшырҙы. Был экспонаттар йәш быуынды илһөйәрлек рухында тәрбиәләүҙә мөһим роль уйнаясаҡ.
Мәхмүт Гәрәевтың хәрби юлы 1941 йылда уҡ башлана. Ул 1923 йылдың 23 июлендә Силәбе өлкәһендә тыуған. Ғүмерендә күренекле хәрби етәксеһе була, алты хәрби бәрелештә ҡатнаша: 19 орден һәм 30 миҙал менән бүләкләнә. Һуғыштан һуң хәрби академияларҙа белем алған, юғары хәрби вазифаларҙа хеҙмәт иткән. Отставкаға сыҡҡас, фәнгә иғтибар итә, 250-нән ашыу фәнни һәм публицистик хеҙмәт баҫтыра, хәрби фәндәр академияһын ойоштора.
Йыл һайын фәнни берләшмә вәкилдәре, коллегалары һәм уҡыусылар Мәхмүт Гәрәевтың тормошон һәм ҡаҙаныштарын иҫкә алыу өсөн тантаналы саралар үткәрә.
Хәтер йәшәһен өсөн, былтыр Өфөлә Мәхмүт Гәрәев исемен йөрөткән урам барлыҡҡа килде. Ә музей коллекцияһын тулыландырған яңы экспонаттар йәш быуын өсөн ватансылыҡ, ышаныслыҡ һәм батырлыҡ өлгөһө булып торасаҡ.
Айзилә Буранова
