Дәүләт Думаһы рәйесе урынбаҫары Александр Бабаков Өфөгә эш сәфәре барышында Дәүләт Йыйылышы-Ҡоролтай рәйесе Константин Толкачев менән осрашты. Яҡтар федераль йыйылыштың түбәнге палатаһының төбәк парламенты менән берлектә эш итеү мәсьәләләрен тикшерҙе. Александр Бабаков депутаттарҙың төҙөлөш, транспорт һәм энергетика өлкәһендәге башланғыстары тураһында һөйләне.
Ил граждандарын торлаҡ менән тәьмин итеүгә айырыуса иғтибар бүленде. Константин Толкачев Башҡортостан парламентарийҙарының махсус хәрби операцияла ҡатнашыусыларға һәм уларҙың ғаилә ағзаларына ҙур иғтибар йүнәлтелеүен билдәләне. Былтыр ғына депутаттар республикабыҙ хәрбиҙәре өсөн 150 миллион һумдан ашыу аҡса йыйған. Улар алғы һыҙыҡҡа машиналар, ҡорамалдар, әйберҙәр һәм бөтә кәрәкле әйберҙәр ебәрә. Осрашыуҙа ҡатнашыусылар артабан хеҙмәттәшлек итеү һәм закон сығарыу өлкәһендә тәжрибә уртаҡлашыу тураһында һөйләшеп килеште.
