Өфөлә армрестлинг буйынса Бөтә Рәсәй турниры уҙҙы. Башҡортостандың баш ҡалаһына республика, Һарытау, Силәбе өлкәһенән йөҙҙән ашыу спортсы йыйылды. Ярыштарҙа махсус хәрби операция ветерандары ла ҡатнашты. Тәүҙә ойоштороусылар яугирҙар өсөн айырым турнир ойоштрорға уйлаған. Ләкин ветерандар башҡалар менән бер рәттән ҡул көрәштереү теләген белдергән.
Спортсылар 5 ауырлыҡ катгорияһында көс һынашты. Улар араһында армрестлингҡа яңы килеүселәр, профессионалдар ҙа бар. Ҡатнашыусыларҙы сәләмләргә Өфөгә 8 тапҡыр донъя чемпионы Виталий Лалетин да килгән.
