Районда бер нисә волонтерҙар үҙәге ойошторолған. Улар фронт өсөн кәрәк-яраҡтар әҙерләй. Ирекмәндәрҙең күбеһе хаҡлы ялда. “Барыбыҙ ҙа бер маҡсат өсөн берләштек. Яугирҙарҙың сәләмдәре килеп тора. Уларға ярҙам итә алыуыбыҙға ҡыуанабыҙ”, - ти ирекмән Лилиә Вәлиева.
“Тыл һәм фронт берҙәмлеге Еңеүгә дәртләндерә. “Башҡортостан” полкы яугиры Виталий Трапезников шулай тип белдерҙе. Ул Балаҡатай районынан. 2023 йылда доброволец булараҡ алғы һыҙыҡҡа юллана. Махсус хәрби операцияла “Физик” ҡушаматын ала. Бөгөн ул Артиллерия дивизионының взвод командиры. “Башҡортостан беҙгә һәр саҡ ярҙам итә. Республика етәкселеге һәм халыҡтың хәстәрлеген тойоу беҙгә көс бирә”, - ти яугир.
