Районда тупланған гуманитар ылауҙы хакимиәт башлығы Марат Латыпов оҙатып барған. Кушнаренко халҡы яҡташтарына УАЗ автомобиле, квадроциклдар, маскировка селтәрҙәре, мобиль мунсалар, пилотһыҙ осҡостар һәм шәхси посылкалар ебәргән. “Беҙҙең яугирҙар – ысын геройҙар. Уларға ихтирам күрһәтеү һәм ярҙам итеү мөһим. Ылау туплауҙы артабан да дауам итәсәкбеҙ. Ватан һаҡсыларын хәстәрләү – изге бурыс. Еңеүҙе тиҙерәк яҡынайтыу өсөн барыһын да эшләйәсәкбеҙ”, -тип яҙған социаль селтәрҙә Марат Латыпов.
