Стәрлебаш районы «Патриот» хәрби-илһөйәрлек паркында балалар ағыуланыуы осрағы буйынса енәйәт эше ҡуҙғатылды. Иҫегеҙгә төшөрәбеҙ, йәкшәмбе Стәрлетамаҡ дауаханаһына лагерҙа ағыуланған 25 кеше мөрәжәғәт итә. Уларҙың өсәүһе-вожатый, ҡалғандары балалар. Табиптар тикшереүенән һуң, 16 кеше дауаханағап һалына, ҡалған ун кеше өйҙәренә ҡайтарыла. Пациенттарҙың хәле уртаса тип баһалана. Балаларҙың һәм өлкәндәрҙең сәләмәтлегенә хәүеф янамай.
Осраҡ буйынса тикшереү ойошторолған. Лагерҙа балалалар өсөн әҙерләнгән ризыҡтар һәм һыу лабораторияла тикшерелә. Рәсәй ҡулланыусылар хоҡуғын күҙәтеү хеҙмәт идаралығы мәғлүмәттәре буйынса, норовирус инфекцияһы аҙыҡ-түлек әҙерләүсе хеҙмәткәрҙән таралған. Тикшереү осорона лагерь эшмәкәрлеге туҡталып тора.
