«Арт-квадрат» майҙанында уҙғарылған мәҙәни сарала самауырҙар күргәҙмәһе, театрлаштырылған тамаша ойошторолдо. Ҡунаҡтар Башҡортостан милли музей коллекцияһы самауырҙары менән танышып хуш еҫле үләндәрҙән әҙерләнгән сәйҙәр тәмләне. Ижади майҙансыҡтарҙа белгестәр самауыр тарихы, төрлө халыҡтарҙа сәй эсеү менән бәйле йолалар тураһында һөйләне. Төбәктә бренд булырлыҡ мәҙәни саралар Республика Башлығы Радий Хәбиров тәҡдиме буйынса уҙа. Былтыр ғына самауыр байрамдары Башҡортостандың 63 муниципалитетында ойошторолған.
