Әхмәтзәки Вәлиди исемендәге Милли китапханала «Еңеү шиғырҙары» тип исемләнгән илһөйәрлек шиғриәте сәғәте үтте. «Армия мәҙәниәте көндәре» программаһына ярашлы уҙғарылған сарала танылған яҙыусылар, китап авторҙары уҡыусылары менән осрашып, ижади эшмәкәрлегенә ҡағылған һорауҙарға яуап бирҙе.
Ҡунаҡтар араһында Санкт-Петербургтан фротовик шағир, махсус хәрби операция ветераны, «Рәсәйҙең әҙәби мираҫы» әҙәби, мәҙәни-мәғариф проекты етәксеһе Алексей Преснаков та булды. Башҡортостан Милли китапханаһы менән тығыҙ хеҙмәттәшлек иткән замандашыбыҙ «Һалдат эше», «Мариуполь» һәм башҡа билдәле шиғырҙарын һөйләп ишеттерҙе. Шиғриәт сәғәтендә ҡатнашҡан һәр кем үҙенең ижады менән таныштыра алды, сара аҙағында илһөйәрлек шиғриәтен һәм мәҙәниәтен үҫтереүҙә берҙәм саралар ойоштороу буйынса яҡын киләсәккә пландар ҙа билдәләнде.
