Республикала билдәле пейзаждар төшөрөүсе рәссам, тыуған яҡты өйрәнеүсе Зәбир Теүәлев Баймаҡ районы Бәхтегәрәй ауылында булдырылған йорт-музейҙа шәхсән экскурсиялар ойоштора.Тулыраҡ киләһе яҙмала.
Ирәндек тауы буйындағы Бәхтигәрәй ауылы тәбиғәттең матур ерендә урынлашҡан. Һәм тап бында Урал аръяғы рәссамдары союзы ағзаһы Зәбир Теүәлев күмәк көс менән ижади йорт булдырған.
Урал аръяғының мегакүргәҙмә паркы булараҡ ойошторолған был ижади ҡомартҡылар йорто мәҙәни мираҫ проектына ярашлы булдырылған. Бында милли башҡорт кейемдәре лә, ғаилә мираҫы булып һаҡланып ҡалған башҡа әйберҙәр ҙә урын алған. Ауыл халҡы алып килгән көнкүреш әйберҙәре лә музей экспонаты итеп ҡабул ителгән.
Был ижади йорт-музей үткән менән бөгөнгөнө бәйләгән, тарихи ҡомартҡыларҙы һаҡлаған бер урын. Зәбир Теүәлев теләгән һәр кемгә шәхсән экскурсиялар ойоштора ала.
Рүзилә Ғүмәрова
