Музыкаль бәйгегә илдең 31 төбәгенән 232 заявка ҡабул ителде. Еңеүселәр “Композитор”, “Автор йыры” һәм “Һүҙ авторы” номинациялары буйынса билдәләнде. Бөтә Рәсәй конкурсында Лидия Трифонова Гран-при яуланы. Санкт–Петербург ҡалаһынан килгән педагог “Еңеү алда” исемле композицияһы менән уңышҡа иреште.
“Конкурстың мәртәбәһе йылдан-йыл арта, ҡатнашыусылар географияһы ла киңәйә ”, - ти баһалама ағзаһы, Рәсәйҙең атҡаҙанған, Башҡортостандың халыҡ артисы Иҙрис Ғәзиев.
“Геройҙар дәүере” Бөтә Рәсәй патриотик йырҙар конкурсы дүртенсегә уҙғарылды. Мәҙәни сара Армия мәҙәниәте көндәре барышында ойошторолдо.
