Аҙна башынан Башҡортостанда тәбиғәттә, урманда һәм һыу ятҡылыҡтарында аҙашҡан, юғалған кешеләр буйынса алты осраҡ теркәлгән. Ғәҙәттән тыш хәлдәр буйынса дәүләт комитеты мәғлүмәттәренә ярашлы, ҡотҡарыу хеҙмәте 11 кешегә, шул иҫәптән 2 балаға ярҙам күрһәткән. Бәшмәк йыйғанда, балыҡ ҡармаҡлағанда, тауға күтәрелгәндә ҡайтыр юлды таба алмаусылар, шулай уҡ һуңға ҡалып, яҡындарын хәүефкә һалыусылар ҙа булған.
Ҡотҡарыусылар тәбиғәттә үҙеңде тотоу буйынса ябай ҡағиҙәләрҙе үтәргә саҡыра. Үҙең менән мотлаҡ рәүештә телефон һәм портатив зарядка ҡулайламаһы булырға тейеш. Яҡындарығыҙ һәм дуҫтарығыҙға билдәләнгән маршрут һәм ҡайтыр ваҡытты ла алдан хәбәр итеү кәңәш ителә. Һыуҙа ҡотҡарыу жилеттары тураһында онотмағыҙ. Ғәҙәттән тыш хәл-ваҡиға булғанда, 112 һандары буйынса шылтыратығыҙ.
