Башҡортостан башлығы Радий Хәбиров Өфө спортсыһы Родион Әлимовты бадминтон буйынса BWF халыҡ-ара серияһы турнирында еңеүе менән ҡотланы. Яҡташыбыҙ Мәскәүҙән Максим Оглоблин менән сығыш яһап, финалда егеттәр Берләшкән Ғәрәп Әмирлектәре спортсыларынан көслөрәк булып сыҡҡан. Был Рәсәй бадминтонсыларының халыҡ-ара аренала 2022 йылдан алып тәүге еңеүе. Родион Эдгар Щербия етәкселегендә Өлфәт Мостафин исемендәге Спорт әҙерлеге үҙәгендә шөғөлләнә. «Башҡортостан спортсыларының үҙҙәренең уңыштары менән республиканы данлауын дауам итеүе ҡыуаныслы. Улар балаларҙы спорт менән шөғөлләнеүгә илһамландыра һәм был, әлбиттә, мин һәр ваҡыт әйткәнсә, иң мөһиме.» тип яҙған Башҡортостан етәксеһе.
