Хәстәрлек өлгөһө. Өфө хосписында ғаиләләре менән бергә ирекмәнлек эшен алып барыусылар бар. Баш ҡаланан Оксана Пономарёва 10 йәшлек ейәне менән бергә ауыр хәлдәге пациенттарға ярҙам күрһәтә. Үҫмер тәрбиәләнеүселәргә ҡарата иғтибарлы, улар менән төрлө темаларға һөйләшә, медицина персоналы менән бер рәттән пациенттарҙы транспортировкалауҙа булыша. Хоспис хеҙмәткәрҙәре ирекмәндәр хәрәкәтенең көсәйеүен, балаларҙың ата-әсәләре менән бергә изге эштә ҡатнашырға теләк белдереүен билдәләй.
