2 сентябрҙән 18 -нә тиклем генә төбәктә сыҡҡан 134 янғында 3 кешенең ғүмере өҙөлгән, 4-һе йәрәхәтләнгән. Рәсәй Ғәҙәттән тыш хәлдәр министрлығының Башҡортостан буйынса баш идаралығы хеҙмәткәрҙәре республиканың Ғәҙәттән тәш хәлдәр буйынса дәүләт комитеты вәкилдәре һәм муниципаль штабтар етәкселәре менән берлектәге кәңәшмәлә ҡатнашты. Ултырышта көн һыуытып, янғын хәүефе көсәйеүенә бәйле электр линиялары һәм ҡорамалдарын эксплуатациялау ҡағиҙәләрен теүәл үтәү, янғын фажиғәләренә юл ҡуймау мәсьәләләре тикшерелде.
