Был турала Хөкүмәттәге оператив кәңәшәмәлә республика мәғариф министры Илдар Мәүлетбирҙин белдерҙе. 26 урта һөнәри белем биреү колледжында бюджет урындары бар. Ул сентябрҙә төп дәүләт имтиханын тапшырған 9-сы класты тамамлаған уҡыусыларға өҫтәмә мөмкинлек бирә, тип билдәләне министр.
Республикала махсус хәрби операцияла ҡатнашыусыларҙың балаларына сертификаттар тапшырыла. Бюджет урындары булмаған һөнәрҙәр буйынса уҡырға ингәндә уҡыу хаҡы ҡайтарыла. Бөгөнгә 700-гә яҡын ошондай сертификат бирелгән. Быйыл беренсе курс студенттарынан 21 ғариза килгән.
