Яңы бина «Оҙайлы һәм әүҙем ғүмер» милли проекты буйынса сафҡа ингән. Бында халыҡҡа беренсел медик-санитар ярҙамы күрһәтеү өсөн барлыҡ шарттар ҙа тыуҙырылған. Иркен яҡты бүлмәләр медицина хеҙмәткәрҙәре һәм пациенттар өсөн дә уңайлы. Ауылға «Һанлы фап» проекты буйынса заман медицина сервистары ла килеп еткәнә. Яңы фап Баҙғый, Яңы Тамъян һәм Алмаш ауылдары халҡын-барлығы 520 кешене хеҙмәтләндерәсәк. Быға тиклем ошо уҡ ауыл биләмәһенә ҡараған Ҡыр-Теләүле ауылында ла яңы фап ишектәрен асҡан булған.
