Республика көнөнә арналған форумда ғалимдар, музей һәм архив хеҙмәткәрҙәре, дәүләт эшмәкәрҙәре-барлығы йөҙҙән ашыу тарих белгесе ҡатнашты. Конференцияла тарихи мәғлүмәтте һаҡлау, яңы гео-сәйәси шарттарҙа тарихи ваҡиғаларҙы дөрөҫ яҙыу, йәш быуынды илһөйәрлек рухында тәрбиәләү кеүек һорауҙар ҡаралды.
Семинарҙа ҡатнашыусылар мәғариф системаһында 1 сентябрҙән ғәмәлгә ингән үҙгәрештәр, федераль министрлыҡ тарафынан раҫланған яңы ҡарарҙар буйынса фекер алышты. Сентябрҙән уҡыу программаһында тарих фәне сәғәттәре арттырылды, туған яҡты өйрәнеү предметына ла иғтибар көсәйтелде.
